निगमले खरिद गर्न लागेको एयरबसको ९० प्रतिशत काम सकियो

एयरबसमा आएनपी–आर टेक्नोलोजी 
एयरबसको ४.६ खर्व डलरको जहाज अडर


केदार दाहाल
काठमाडौं, २० कात्तिक
नेपाल वायुसेवा निगमले खरिद गर्न लागेको एयरबसका दुई जहाजको ९० प्रतिशत काम सकिएको एयरबस कम्पनीले जनाएको छ । युरोपेली जहाज निर्माता कम्पनी  एयरबसले आगामी माघको १५ सम्ममा पहिलो जहाज पठाइसक्ने समेत बताएको छ । नेपालले खरिद गर्न लागेको एयरबस ए३२०–२००  न्यारोवडी जहाजका पार्ट्स तथा बडीहरु बेलायत, फ्रान्स, जर्मनी र स्पेनका उत्पादन कम्पनीहरुमा भइरहेको कम्पनीले जनाएको छ । 
“हामीले सन् २०१५ को फेब्रुवरीमा पहिलो जहाज एयरबस ए३२०–२०० विमान नेपाललाई पठाइसकेका हुन्छौ, भने अर्को जहाज केही महिनापछी नेपाललाई हस्तान्तरण गर्ने छौ,” एयरबस कम्पनीका मिडिया संयोजक जस्टीन डुवनले भने । नेपाललले पहिलोपटक एयरबसका जहाज प्रयोग गर्न लागेको छ, त्यसैबाट नेपालसंगको सम्बन्ध अगाडी बढाउन पाउँदा खुसी रहेको डुवनले बताए ।
एयरबसमा प्रयोग भएको टेक्नोलोजीले नेपाल वायुसेवा निगमको ४ प्रतिशत तेललाई सुरक्षित गर्ने भएकोेले पनि निगमलाई यसजहाजले फाइदा गराउने एयरबसका बजार प्रवन्धक शिल सुक्लाले बताए । “हामीले नेपालका पाइलट तथा इन्जिनियरहरुलाई तालिमको लागि बैंग्लोर पठाइसकेका छौ,” सुक्लाले भने । नेपाललाई उचित मुल्यमा जहाज उपलव्ध गराएको तर सुविधामा भने कुनै सम्भौता नगरेको बताए । नेपाललाई दिने उक्त जहाजमा सुविधासम्पन्न क्याविन, डिलक्स सिट, सुरक्षामा उच्च प्रविधि लगायत सबै कम्प्युटर सिष्टममा उपलव्ध रहेको उनले जानकारी दिए ।
नेपाल वायुसेवा निगमले डेढ वर्ष अगाडी युरोपियन एयरवस कम्पनीसंग दुई जहाज खरिद गर्ने सम्झौता गरेको थियो । जसमा लाग्ने धेरैजसो रकम एयरबसलाई निगमले पठाइसकेको छ । निगमले जहाज खरिदको लागि संचयकोषसंग १० अर्व रुपैयाँ ऋण लिएको थियो ।  खरिद गरिने दुवै ए ३२०–२०० विमान १ सय ५० सिट क्षमताका रहने छन । हाल निगमले अन्र्तराष्ट्रिय उडानको लागि निगमले बोइङ–७५७ ले उडान भर्दै आएको छ । एयरबसका दुई जहाज नेपाल भित्रिएपछी ४ वटा जहाज मार्फत अन्र्तराष्ट्रिय उडान भर्ने छ । 
एयरबसमा आएनपी–आर टेक्नोलोजी
कम्पनीले निगमलाई दिने जहाजमा रिक्वायड नेभिगेसन परफरमेन्स अर्थोराइजेसन रिक्वायड (आएनपी–आर) टेक्नोलोजी प्रयोग गरेको छ । जसले गर्दा तेलको खपत कम गराउने, खराव मौसममा पनि सजिलै आफ्नो डिरेक्सनमा लैजान सकिने प्रविधि छ । सबैभन्दा महत्वपूर्ण कुराके भने यस प्रविधिले एक हातलेनै जहाजलाई पाइलटले कन्ट्रोल गर्न सक्दछन ।  हवाइयात्रुले डिलक्स सिटको प्रयोग गर्ने छन जसमा सिटको चौडाइ १८ इन्च रहेको छ ।
एयरबसको ४.६ खर्व डलरको जहाज अडर
एयरबसले आगामी २० वर्षको लागि ३१ हजार नयाँ जहाज अर्डर लिइसकेको जानकारी दिएको छ । जुन ४.६ (ट्रिलियन) खर्व डलर बराबर मुल्य हुन आउँछ । एयबसले गत सन् २०१३ मा ४२ (विलियन) अर्व डलरको कारोबार गरेको थियो । हाल एयरवसमा ७२ हजारले प्रत्यक्षरुपमा रोजगारी पाएका छन । एयरबसको हेडक्वाटर फ्रान्समा रहेको छ । भने यसका सवडिलरहरु अमेरिका, चीन, जापान, भारतमा रहेको छ । त्यस्तैगरी स्पेयर्सपार्ट्स सेन्टरहरु हमरुगं, फ्र्याङ्फ्रट, वासिङटन, वेइजिङ, दुवइ र सिंगापुरमा रहेको छ ।