आकर्षक तथा सम्पूर्ण सेवा सुविधासहितका अपार्टमेन्टको खोजीमा रहेका ग्राहकहरूलाई ध्यानमा राख्दै सोल्टीसिटीले सरल मूल्य सुविधाका अपार्टमेन्टहरू उपलब्ध गराउने भएको छ । काठमाडौंको रविभवनमा बन्न लागेको सोल्टीसिटी अपार्टमेन्टले कम मूल्यका बढी सुविधा अपार्टमेन्ट उपलब्ध गराउने भएको हो ।
खासगरी मध्यम तथा उच्च दुवै वर्गलाई हुने गरी निर्माण थालिएको सोल्टीसिटी अपार्टमेन्ट प्लटिनियम डिप्लोभर्स प्रालिले निर्माण सम्पन्न गर्न लागेको हो । लामा कन्स्ट्रक्सन कम्पनीले सम्पूर्ण निर्माणको जिम्मा लिएको उक्त सोल्टीसिटीमा २ सय ५० वटा अपार्टमेन्ट छन् । खासगरी सिटीको बुकिङ खुल्ला गएको सन् २०१० अक्टोबर महिनाबाटनै सुरु गरे पनि गएको शनिबारमात्र भूमिपूजा सम्पन्न गरेको छ ।
कम्पनीले भूमिपूजासँगै शनिबारदेखि ५ जेठसम्मका लागि विशेष अफरसमेत सार्वजनिक गरेको छ । जसमा ४० लाख पर्ने अर्पामेन्टको जम्मा २९ लाख ९९ हजार रुपैयाँ अर्पाटमेन्ट उपलब्ध गराउने भएको छ । अपार्टमेन्टमा २ वटा बेडरुमको साथै लिभिङ, डाइनिङ, बाथरुम, २ वटा बाल्कुनीसमेत छन् । त्यसको साथै उक्त अपार्टमेन्टमा २४ संै घन्टा सुरक्षा गार्ड, पानीको सुविधा, पावर ब्याकअप लगायतका अत्यावश्यक सुविधाहरू रहेको कम्पनीले जानकारी दिएको छ ।
त्यस्तैगरी मध्यम वर्गलाई ध्यानमा राखी कम्पनीले एक बेडरुमको अपार्टमेन्टसमेत बुकिङ खुल्ला गरेको जानकारी दिएको छ । जसमा १९ लाख ९९ हजार रुपैयाँमा उक्त अपार्टमेन्ट उपलब्ध हुनेछ । उक्त एक बेडरुमको अपार्टमेन्टमा पानी अन्य सबै सुविधाहरू रहेको कम्पनीको भनाइ छ । काठमाडौंको भीडभाडको बीचभागमा रहेको उक्त अपार्टमेन्टमा इन–साइड रिङरोडसमेत रहनेछ ।
आउने सन् २०१३ डिसेम्बरमा ग्राहकलाई उपलब्ध गराउने गरी निमार्ण सुरु भएको उक्त सोल्टीसिटीको हाल ४ वटा बिल्डिङको फाउन्डेसन कार्य सम्पन्न भइसकेको कम्पनीले जानकारी दिएको छ ।
No comments:
Post a Comment