 |
काठमाडौं, ३ जेठ
औद्योगिक तथा व्यापारिक घराना चौधरी समूहले प्रख्यात भारतीय ब्रान्ड गोदरेजका उत्पादन नेपाली बजारमा भिœयाएको छ । भारतमा उत्पादन भए पनि विश्वका धेरैजसो मुलुकमा बिक्री हुने गोदरेजका इलेक्ट्रोनिक्स सामान उपभोक्ताको मागबमोजिम नेपालमा पनि बिक्री सुरु गरिएको कम्पनीले जनाएको छ ।
समुहअन्तर्गत रहेको इओल प्रालिले गोदरेजका उत्पादन बिक्री गर्ने भएको छ । कम्पनीले सुरुमा रेफ्रिजेरेटर, वासिङ मेसिन र माइक्रो ओभनका बिभिन्न मोडेलको बिक्री थालेको छ ।
समूहले यसअघि एलजी, सीजीलगायत ब्रान्डका विभिन्न इलेक्ट्रोनिक्स सामग्री बिक्री गर्दै आएको छ । उच्च वर्गका नेपाली ग्राहकलाई केन्द्रित गरी गोदरेजका उत्पादन बिक्री थालिएको समूहका प्रबन्ध निर्देशक निर्वाणा चौधरीले बताए । आउने वर्षमा नै गोदरेजका उत्पादनलाई देशभर पु¥याउने योजना रहेको जानकारी उनले दिए । “नेपालमा इलेक्ट्रोनिक्स सामानको बिक्रीमा चौधरी समूह अन्यभन्दा धेरै अगाडि भएको पनि यसले प्रष्ट पारेको छ,” उनले भने ।
गोदरेजका उत्पादन विश्वका ६० भन्दा बढी मुलुकमा बिक्री हुने गरेको कम्पनीको दाबी छ । समूहले बिक्रीलाई भन्दा मर्मतलाई बढी प्राथमिकता दिएको चौधरीले बताए । हाल सीजी र एलजीको सोरुमबाटै गोदरेजका सामान बिक्री गरिने भएको छ ।
गोदरेजका रेफ्रिजेरेटरमा वान डोर र टु डोरको बिक्री सुरु गरिएको कम्पनीले जनाएको छ । वान डोर रेफ्रिजेटेरअन्तर्गत ९९ देखि २ सय ५१ लिटर क्षमतासम्मका पाँच मोडेल छन् । त्यस्तै, टु डोरअन्तर्गत २ सय ३१ देखि ३ सय ३० लिटरसम्मका पाँच भिन्न मोडेल बिक्रीमा छन् । कम्पनीका अनुसार यिनको बजार मूल्य १५ हजार रुपैयाँदेखि १ लाख ५० हजार रुपैयाँसम्म छ । वासिङ मेसिनमा तीन र माइक्रो ओभनका दुई मोडेलको बिक्री सुरु गरिएको कम्पनीले बताएको छ ।
उच्चवर्गलाई लक्षित गरेका छौं
रमेश चेमबाथ
उपाध्यक्ष, गोदरेज एप्लायन्स कम्पनी
भारतीय बजारमा सबैभन्दा ठूलो बजार हिस्सा ओगटेको गोदरेजले नेपालमा आफ्नो अधिकृत बिक्रीकेन्द्र स्थापनासँगै आफ्ना उत्पादनको सोमबारदेखि बिक्री सुरु गरेको छ । नेपालमा यसको बजार प्रवद्र्धनका लागि उद्घाटन समारोहमा नेपाल आएका गोदरेज एप्लायन्स कम्पनीका उपाध्यक्ष रमेश चेमबाथसँग कारोबारले गरेको कुराकानीका प्रमुख अंशः
अन्यत्रै ठूलो बजार हुँदाहँुदै नेपालमा महँगो ब्रान्ड विस्तार किन गर्नुभयो ?
नेपालमा इलेक्ट्रोनिक्स सामानको बिक्रीदर बढ्दो छ । त्यसमा पनि सस्ता समानले बजार विस्तार गरिरहेको अवस्थामा उच्च गुणस्तरको उत्पादन गोदरेजको भविष्य नेपालमा सुनिश्चित देखेर नै बजार विस्तार गरेका हांै ।
विश्वका अन्य मुलुकमा गोदरेजका उत्पादनको बिक्री अवस्था कस्तो छ ?
भारतमा सबैभन्दा ठूलो बजार गोदरेजकै छ । त्यसका अतिरिक्त अमेरिका, युरोपलगायत गरी ६० देखि ७० मुलुकमा गोदरेजका उत्पादन बिक्री हुन्छन् । प्रायः सबै देशमा हाम्रो अवस्था राम्रो छ ।
नेपालका गोदरेजको लक्षित समूह कुन हो ?
नेपालमा चौधरी समूहले अहिले एलजी र सीजीका उत्पादन बिक्री गरिरहेको छ । त्यसमा एलजी मध्यमवर्ग लक्षित र सीजी तल्लोवर्ग लक्षित रहेकाले हामीले उच्चवर्गलाई लक्षित गरेका छौं ।
तपाईंहरूले नेपालमा अन्य कम्पनीलाई छाडेर किन चौधरी समूहलाई नै रोज्नुभयो ?
हाम्रो अध्ययनमा नेपालमा इलेक्ट्रोनिक्स समानको बिक्रीमा झन्डै ४० प्रतिशत बजार हिस्सा चौधरी समूहले लिएको छ । त्यसका साथै चौधरी समूहसँग हाम्रो पुरानो सम्पर्कको आधारले पनि यही समूहलाई रोजियो ।
एलजी र सीजी ब्रान्डको बीचमा गोदरेजलाई चौधरी समूहले कसरी व्यवस्थापन गर्ने आशा गर्नुभएको छ ?
राम्रो व्यवस्थापनले गर्दा नै चौधरी समूहले दुई वटा ब्रान्डका समान बिक्री गरिरहेको छ । त्यसैले उसले गोदरेजका सामानलाई पनि सजिलै तथा थप व्यवस्थित रूपमा बिक्री गर्नसक्छ भन्ने हामीलाई विश्वास छ ।
No comments:
Post a Comment