बन्दीपुरमा एकैसाथ दर्ुइवटा होमस्टे संचालन

केदार दाहाल
बन्दीपुर, १७ बैशाख
अन्तरिक तथा बाहृय पर्यटकले सधैभरी खचाखच हुने रमणीय गन्तव्य बन्दीपुरमा एकै साथ दर्ुइवटा होमस्टे संचालनको तयारीमा रहेको छ । तनहुँ जिल्लाको बन्दीपुर गाँऊ बिकास समितिमा पिपलथोक होमस्टे र सेराटार गाँऊ बिकास समितिमा सेराटार सामुदायिक होमस्टे संचालनको तयारीमा रहेको छ ।
खासगरी नेपालको ऐतिहासिक शहर बन्दीपुरमा नेपाल भ्रमण बर्ष१९९८ मा सबैघरहरु होमस्टेको रुपमा संचालनमा रहे पनि पछिल्लो समयमा ति सबै होमस्टेहरु होटल र लजमा परिणत भएपछी जारी पर्यटन बर्ष२०११ को अवसरमा बन्दीपुरमा एकैसाथ दर्ुइवटा होमस्टे संचालनको तयारी गरेको पिपलथोक सामुदायिक होमस्टे संचालन समितिका सचिव राजु बानियाँले बताए ।
संचालनको तयारीमा रहेको पिपलथोक सामुदायिक होमस्टेमा जम्मा ११ वटा घर र सेराटार सामुदयिक होमस्टेमा ४० वटा घरलाई होमस्टेको रुपमा संचालन गर्न लागेको बानियाँले जानकारी दिए ।
पछिल्लो समयमा अध्ययान अनुसन्धान गर्न पर्यटकहरु बन्दीपुर आउने गरेको र उनीहरु खासगरी लामो समय सम्म बस्नको लागि होम स्टेमा रुचाउने भएकोले आफुहरुले होमस्टे संचालनलाई महत्व दिएको बानियाँको भनाई छ । "होमस्टे संचालन तथा व्यवस्थापनको सम्पर्ूण्ा कार्य पुरा भएको र अव छिट्टै दर्ता प्रक्रियामा जादै छौ," बानियाँले भने । हाल बन्दीपुरमा आउने बिदेशी पर्यटकको अलावा अन्तरिक पर्यटक आउनेक्रम बढेको र त्यसमा सबैले होमस्टेलाई रोज्ने गरेको उनीहरुको भनाई छ । होमस्टे बैधानिकरुपमा दर्ता नभइसकेको भएपनि २ महिना देखि होमस्टेमा पर्यटकहरु राख्न थालेको बानियाँले जानकारी दिए । हाल प्रत्येक होमस्टेमा दैनिकी औसतमा एक पर्यटक आउने गरेको उनले बताए ।
खासगरी बन्दीपुरमा राम्रा होटल तथा लजहरु रहेपनि पर्यटकहरु होमस्टेमा बस्न मन पराउने देखेर होमस्टे संचालन गर्न लागेको बानियाँले बताए । आफुहरुले सबै होमस्टे संचालकहरुलाई पहिले तालिमको व्यवस्था गर्न लागेको उनले जानकारी दिए । "त्यसको लागि नेपाल पर्यटन बोर्डले सहयोग गर्ने आस्वासन दिएको छ," उनले भने ।
खासगरी गरि पहिले आफुहरुले होमस्टेको रुपमा संचालन गरेपनि अहिले आएर होटल बनाएपछी आफुहरुले होमस्टे संचालनमा अन्य साथीहरुलाई प्रोत्साहन गरेको बन्दीपुर गेष्ट हाउस एन्ड रेष्टुरेन्टका संचालक तथा होटल एशोसिएसन तनहुँ का उपाध्यक्ष पत्थर प्रधानले बताए । आफुहरुको होटल रेष्टुरेन्ट भएपनि पहिले देखिनै पर्यटकहरु बन्दीपुरमा होमस्टेमा बस्न रुचाउँने गरेकोले पुन बन्दीपुरमा होमस्टे संचालन गर्न होटल व्यवसयीले नै सहयोग गरेको प्रधानले बताए । नेपालकै पुरानो तथा ऐतिहासिक स्थान बन्दीपुरको महत्वलाई होमस्टे मार्फ प्रचार प्रसार गर्न पनि होमस्टेलाई प्राथमिकता दिएको प्रधानको भनाई छ ।
खासगरी पछिल्लो समयमा बन्दीपुरले आफ्नो परम्परालाई बिर्सर्ेेे भन्ने आरोपलाई अव होमस्टे मार्फ पुन थालनी गर्ने तयारीमा रहेको सचिव बानियाँले बताए । अव हामीहरु आन्तरिक र बाहृय पर्यटक दुवैलाई मैलिक परम्परा झल्कने नाच गान गरेर स्वागत गराउने तयारीमा रहेको बानियाँले जानकारी दिए । अव बन्दीपुर आउने पर्यटकले होमस्टेमा त्यहाँको वास्तविक नेपाली खानाको स्वाद खुवाउने उनको भनाई छ ।