केदार दाहाल
काठमाडौं, २० कात्तिक – नेपाल वायुसेवा निगमले ३५ वर्षपछि फेरि हेलिकप्टर खरिद गर्ने भएको छ । निगम सञ्चालक समितिको बैठकले सोमबार ४ हेलिकप्टर र ८ नयाँ जहाज खरिद प्रक्रिया थालेको छ । १ महिनाभित्र औपचारिक प्रस्ताव अघि बढाउन समितिले व्यवस्थापनलाई निर्देशन पनि दिएको छ ।
संस्कृति, पर्यटन तथा नागरिक उड्डयन मन्त्रालयका सचिव तथा बोर्ड अध्यक्ष दिनेश थपलियाको अध्यक्षतामा बसेको बैठकले ४ हेलिकप्टर तथा अन्तर्राष्ट्रिय उडानका लागि २ वाइड बडी र २ न्यारो बडी जहाज खरिदको प्रस्ताव ल्याउन निर्देशन दिएको हो । आन्तरिक उडानका लागि हाल रहेका ट्विनअटर वा त्यस्तै खालका ४ अन्य विमान पनि किन्ने निर्णयमा निगम पुगेको छ ।
निगमलाई चीनका थप ४ वटा जहाजसमेत खरिद गर्न चर्को दबाब छ । गत वर्ष चीनले आन्तरिक उडानका लागि एमए ६० र वाई १२ ‘ई’ जहाज अनुदान दिएको थियो । बाँकी ४ वटा जहाज पनि सरल ऋणमा दिने सम्झौता छ ।
बैठकमा थपलियाले जहाज खरिद र निगमको व्यवस्थापन सुधारका लागि जस्तोसुकै सहयोग गर्न मन्त्रालय तयार रहेकाले तत्काल खरिद प्रक्रिया अगाडि बढाउन व्यवस्थापनलाई आग्रह गरेका थिए । पुराना ऐन–नियम पनि संशोधन हुन लागेकाले अब कहीँकतै बाधा अवरोध नरहने समेत उनको भनाइ थियो ।
सरकारले संशोधन गर्न लागेको सार्वजनिक खरिद ऐनमा निगमले बिनाटेन्डर सिधै जहाज खरिद गर्न सक्ने व्यवस्था छ । ऐन संशोधन भए निगमले सम्बन्धित कम्पनीसँग सिधै डिल गरेर खरिद गर्न सक्छ ।
“कुन खालको जहाज उडाउँदा नेपालका लागि अधिकतम फाइदा हुन्छ, कहिलेसम्म कति वटा जहाजटबाट सजिलै उडान गर्न सक्छौं जस्ता विषय समेटेर प्रस्ताव ल्याउन बैठकले निर्देशन दिएको छ,” निगम प्रवक्ता रामहरि शर्माले भने ।
उनका अनुसार बैठकले निगमलाई हेलिकप्टरसमेत आवश्यक पर्ने भएकाले त्यसबारे पनि अध्ययन गरी प्रक्रिया अघि बढाउन भनेको छ । यसअघि निगमले सन् १९८० मा केही हेलिकप्टरमार्फत सेवा दिए पनि पछि बन्द भएको थियो । निगमले हेलिकप्टर सेवा सुरु गरे आपकालीन सेवालाई सस्तो र चुस्त बनाउन सक्ने व्यवस्थापनको बुझाइ छ । हाल निजी सेवाप्रदायक तथा नेपाली सेनले हेलिकप्टर सेवा दिँदै आएका छन् ।
निगमले व्यवस्थापकीय सुधार परामर्शदाताका लागि गरेको विश्वव्यापी बोलपत्र आह्वानमा एयरबस, लुफ्थान्सासहित २१ विदेशी कम्पनीले इच्छा देखाएकाले यो विषयलाई समेत छिटो टुंग्याउन बैठकले निर्देशन दिएको शर्माले बताए ।
निगमले आन्तरिक व्यवस्थापन सुधार गर्न र रणनीतिक साझेदार ल्याउन विदेशी परामर्शदाता नियुक्तिका लागि प्रस्ताव मागेको थियो । अन्तर्राष्ट्रिय ख्याति कमाइसकेका एयरबस, लुफ्थान्सासहित ठूला कम्पनी आउन चाहेका छन् ।
निगमले १० वर्षे गुरुयोजनामा पनि जहाज खरिदको विषयलाई प्राथमिकता दिँदै सन् २०२४ सम्म २५ वटा जहाजमार्फत उडान गर्ने लक्ष्य लिएको छ । एयरबस ए–३२० सिरिजको न्यारो बडीमै उसले झन्डै ८ अर्ब रुपैयाँ खर्चिएको छ । गत वर्ष फागुन र वैशाख गरी निगमले एयरबसका २ जहाज खरिद गरेको थियो । यी जहाजबाट निगमले दिल्ली, मुम्बई, बैंग्लोरमा उडान गरिरहेको छ । पुराना २ बोइङले पनि विभिन्न सेक्टरमा उडान गरिरहेका छन् ।
काठमाडौं, २० कात्तिक – नेपाल वायुसेवा निगमले ३५ वर्षपछि फेरि हेलिकप्टर खरिद गर्ने भएको छ । निगम सञ्चालक समितिको बैठकले सोमबार ४ हेलिकप्टर र ८ नयाँ जहाज खरिद प्रक्रिया थालेको छ । १ महिनाभित्र औपचारिक प्रस्ताव अघि बढाउन समितिले व्यवस्थापनलाई निर्देशन पनि दिएको छ ।
संस्कृति, पर्यटन तथा नागरिक उड्डयन मन्त्रालयका सचिव तथा बोर्ड अध्यक्ष दिनेश थपलियाको अध्यक्षतामा बसेको बैठकले ४ हेलिकप्टर तथा अन्तर्राष्ट्रिय उडानका लागि २ वाइड बडी र २ न्यारो बडी जहाज खरिदको प्रस्ताव ल्याउन निर्देशन दिएको हो । आन्तरिक उडानका लागि हाल रहेका ट्विनअटर वा त्यस्तै खालका ४ अन्य विमान पनि किन्ने निर्णयमा निगम पुगेको छ ।
निगमलाई चीनका थप ४ वटा जहाजसमेत खरिद गर्न चर्को दबाब छ । गत वर्ष चीनले आन्तरिक उडानका लागि एमए ६० र वाई १२ ‘ई’ जहाज अनुदान दिएको थियो । बाँकी ४ वटा जहाज पनि सरल ऋणमा दिने सम्झौता छ ।
बैठकमा थपलियाले जहाज खरिद र निगमको व्यवस्थापन सुधारका लागि जस्तोसुकै सहयोग गर्न मन्त्रालय तयार रहेकाले तत्काल खरिद प्रक्रिया अगाडि बढाउन व्यवस्थापनलाई आग्रह गरेका थिए । पुराना ऐन–नियम पनि संशोधन हुन लागेकाले अब कहीँकतै बाधा अवरोध नरहने समेत उनको भनाइ थियो ।
सरकारले संशोधन गर्न लागेको सार्वजनिक खरिद ऐनमा निगमले बिनाटेन्डर सिधै जहाज खरिद गर्न सक्ने व्यवस्था छ । ऐन संशोधन भए निगमले सम्बन्धित कम्पनीसँग सिधै डिल गरेर खरिद गर्न सक्छ ।
“कुन खालको जहाज उडाउँदा नेपालका लागि अधिकतम फाइदा हुन्छ, कहिलेसम्म कति वटा जहाजटबाट सजिलै उडान गर्न सक्छौं जस्ता विषय समेटेर प्रस्ताव ल्याउन बैठकले निर्देशन दिएको छ,” निगम प्रवक्ता रामहरि शर्माले भने ।
उनका अनुसार बैठकले निगमलाई हेलिकप्टरसमेत आवश्यक पर्ने भएकाले त्यसबारे पनि अध्ययन गरी प्रक्रिया अघि बढाउन भनेको छ । यसअघि निगमले सन् १९८० मा केही हेलिकप्टरमार्फत सेवा दिए पनि पछि बन्द भएको थियो । निगमले हेलिकप्टर सेवा सुरु गरे आपकालीन सेवालाई सस्तो र चुस्त बनाउन सक्ने व्यवस्थापनको बुझाइ छ । हाल निजी सेवाप्रदायक तथा नेपाली सेनले हेलिकप्टर सेवा दिँदै आएका छन् ।
निगमले व्यवस्थापकीय सुधार परामर्शदाताका लागि गरेको विश्वव्यापी बोलपत्र आह्वानमा एयरबस, लुफ्थान्सासहित २१ विदेशी कम्पनीले इच्छा देखाएकाले यो विषयलाई समेत छिटो टुंग्याउन बैठकले निर्देशन दिएको शर्माले बताए ।
निगमले आन्तरिक व्यवस्थापन सुधार गर्न र रणनीतिक साझेदार ल्याउन विदेशी परामर्शदाता नियुक्तिका लागि प्रस्ताव मागेको थियो । अन्तर्राष्ट्रिय ख्याति कमाइसकेका एयरबस, लुफ्थान्सासहित ठूला कम्पनी आउन चाहेका छन् ।
निगमले १० वर्षे गुरुयोजनामा पनि जहाज खरिदको विषयलाई प्राथमिकता दिँदै सन् २०२४ सम्म २५ वटा जहाजमार्फत उडान गर्ने लक्ष्य लिएको छ । एयरबस ए–३२० सिरिजको न्यारो बडीमै उसले झन्डै ८ अर्ब रुपैयाँ खर्चिएको छ । गत वर्ष फागुन र वैशाख गरी निगमले एयरबसका २ जहाज खरिद गरेको थियो । यी जहाजबाट निगमले दिल्ली, मुम्बई, बैंग्लोरमा उडान गरिरहेको छ । पुराना २ बोइङले पनि विभिन्न सेक्टरमा उडान गरिरहेका छन् ।
No comments:
Post a Comment