काठमाडौं : नेपाल वायुसेवा निगमलाई वाइड
बडी जहाज उपलब्ध गराउन ११ अन्तरराष्ट्रिय कम्पनीले प्रस्ताव गरेका छन् ।
निगमले दुई ठूला जहाज खरिदका लागि ४५ दिनअघि ग्लोबल टेन्डर गरेको थियो ।
बिहीबार खोलिएको टेन्डरमा ११ कम्पनीले
सहभागिता जनाएको निगम प्रबन्ध निर्देशक सुगतरत्न कंसाकारले जानकारी दिए ।
निगमले डेढ वर्षभित्र एयरबस ३३०–२०० सिरिजका जहाज उपलब्ध गराउन सक्ने
कम्पनीका लागि टेन्डर खुलाएको थियो ।
असोज ९ मा आह्वान गरिएको विश्वव्यापी
टेन्डरअनुसार कम्पनीहरूले आवेदन गरेका थिए । निगम व्यवस्थापनले बिहीबार नै
प्राविधिक विभाग प्रमुख आरबी शाहको संयोजकत्वमा सिफारिस समिति गठन गरेको छ ।
समितिले निगम व्यवस्थापनलाई टेन्डरमा
सहभागी कम्पनीहरूको विषयमा विस्तृत अध्ययन गरी व्यवस्थापनसमक्ष सिफारिस
गर्नेछ । “दश कम्पनीमध्ये सवैभन्दा कम मूल्य प्रस्ताव गर्ने र बिक्रीपछि
चित्तबुझ्दो सुविधा दिने कम्पनी छनोट गरिने छ,” कंसाकारले भने ।
उनका अनुसार समितिले सिफारिस गरेका
कम्पनीमध्ये एकलाई निगम सञ्चालक समितिलाई निर्णय गर्नेछ । एक साताभित्रै
कुन कम्पनीमार्फत जहाज खरिद गर्ने भन्ने टुंगो लागिसक्ने निगमले जनाएको छ
।
निगम स्रोतका अनुसार केएल एसो पार्टस्, केआईटी इन्भेस्टमेन्ट एन्ड वनवल्र्ड क्लोआउटस् लिमिटेड, रोनमोटा एन्ड एसोसिएट एयरक्राफ्ट सेल्स एन्ड पार्ट्स, एयरक्राफ्ट इन्भेस्टमेन्ट ग्रुप, क्राउन कमर्सियल सर्भिस लिमिटेड, सिनर्जी एरोस्पेस, एसटी एरोस्पेस, लि ग्रुप डेल्टा, एएआर कर्पोरेसन, सौर्य एयर सपोर्ट कम्पनी र रोल्स रोयज टेन्डरमा सहभागी भएका छन् ।
निगमले पहिलोपटक वाइड बडी जहाज खरिद गर्ने
भएको हो । यसअघि भाडामा वाइड बडी जहाज ल्याएर केही समय सञ्चालन गरे पनि
त्यसले निरन्तरता पाउन सकेको थिएन । निगमले करिब २५ अर्ब रुपैयाँ खर्चिएर
जहाज खरिद गर्नेछ ।
पुष्पकमल दाहाल नेतृत्वको सरकारले जहाज खरिदलाई प्राथमिकतामा राखेसँगै यसको प्रक्रिया अघि बढेको हो ।
जहाज खरिदमा सरकार जमानी बस्ने सरकारको
निर्णयपछि कर्मचारी सञ्चय कोष, नागरिक लगानी कोष तथा विभिन्न वाणिज्य
बैंकहरूले ऋण दिनका लागि निगममा प्रस्ताव पठाएका छन् ।
No comments:
Post a Comment