– अढाई अर्ब लगानी
– तिब्बत एयरलाइन्ससँग सहकार्य
– कात्तिक ११ बाट नियमित उडान
– ३ वर्षपछी युरोप उडान भर्ने लक्ष्य
केदार दाहाल
काठमाडौं, २ भदौ- निजी क्षेत्रले थालेका अन्तर्राष्ट्रिय उडान एकपछि अर्को गरी असफल हुँदै गइरहेका बेला नयाँ कम्पनी हिमालयन एयरलाइन्स अगाडि आएको छ । नेपाली हवाई आकाशमा अन्तर्राष्ट्रिय उडानका लागि निजी क्षेत्रको हालसम्मकै ठूलो लगानीमा हिमालयनले उडान सुरु गर्न लागेको हो । उसले तिब्बत एयरलाइन्ससँग सहकार्य गरेको छ ।
हिमालयनले युरोपेली जहाज निर्माता कम्पनी एयरबसको ए–३१९ सिरिजका २ विमानमार्फत कात्तिक ११ बाट काठमाडौं–ल्हासा उडान गर्नेछ । यो कम्पनीमा एचआईएफ एभियसन इन्भेस्टमेन्ट कम्पनी र यती वल्र्ड इन्भेस्टमेन्ट कम्पनीको मुख्य लगानी छ । हिमालयनले हाल २ अर्ब ५० करोड रुपैयाँ लगानी गर्नेछ । यसमा हिमालयनको ५१ प्रतिशत र तिब्बत एयरलाइन्सको ४९ प्रतिशत सेयर स्वामित्व रहनेछ । अक्टुबर २८ (कात्तिक ११) देखि उडान सुरु गर्ने गरी २ एयरलाइन्स कम्पनीबीच मंगलबार सम्झौता हँुदैछ ।
राष्ट्रिय ध्वजावाहक नेपाल वायुसेवा निगमसँग पर्याप्त जहाज नहुँदा अधिकांश अन्तर्राष्ट्रिय उडानका गन्तव्य गुमाइरहेका बेला निजी क्षेत्रबाट एयरलाइन्समा ठूलो लगानी भित्रिनुलाई पर्यटन क्षेत्रले सकारात्मक रूपमा लिएको छ । हाल २७ वटा विदेशी एयरलाइन्स कम्पनीले नेपालमा अन्तर्राष्ट्रिय उडान भरिरहेका छन्, जसका कारण वार्षिक अर्बौ रुपैयाँ नेपालबाट बाहिरिने गरेको छ ।
“हामी ३ वर्षभित्रमा ५ वटा जहाजमार्फत विश्वका विभिन्न गन्तव्यमा उडान भर्ने योजनाअनुसार अघि बढेका छौं,” एयरलाइन्स प्रवद्र्धकमध्येका एक सुमन पाण्डेले भने । उनका अनुसार पहिलो चरणमा २ एयरबसमार्फत काठमाडौं–ल्हसा र काठमाडौं–चेन्दु उडान भर्ने योजना छ । ३ वर्षभित्रमा भारतका विभिन्न सहर, मलेसिया, दुबईलगायत गन्तव्यमा समेत उडान सुरु गर्ने लक्ष्य लिइएको उनले बताए । यही अवधिमा ५ वटा विमानमार्फत युरोपमा सिधा उडान गर्ने महत्वाकांक्षी लक्ष्य पनि कम्पनीको छ ।
यती वल्र्डले यती र तारा एयरमार्फत आन्तरिक उडान भरिरहेको छ । तिब्बत एयरसँग हाल १ सय २० सिट क्षमताका ९ वटा एयरबस ३१९–१०० विमान छन् । उसले एयरबससँग थप ६ वटा विमान अर्डर गरिसकेको छ । चीनका अधिकांश रुटमा उडान भरिरहेको कम्पनीले २०१५ देखि युरोपमा सिधा उडान भर्दैछ । निकट भविष्यमा दिल्ली–तिब्बत सिधा उडान भर्ने तयारी पनि उसको छ ।
यती एयरलाइन्सले नै यसअघि फ्लाईयतीडटकममार्फत उडान सञ्चालन गरेको थियो । गैरआवासीय नेपालीको लगानीमा बीबी एयरवेज पनि केही महिना सञ्चालनमा थियो । आन्तरिक उडानमा निकै सफल उदाहरण मानिएको बुद्ध एयरले भुटानको पारो उडान बन्द गरे पनि हाल भारतको बनारससम्म उडान गरिरहेको छ ।
– तिब्बत एयरलाइन्ससँग सहकार्य
– कात्तिक ११ बाट नियमित उडान
– ३ वर्षपछी युरोप उडान भर्ने लक्ष्य
केदार दाहाल
काठमाडौं, २ भदौ- निजी क्षेत्रले थालेका अन्तर्राष्ट्रिय उडान एकपछि अर्को गरी असफल हुँदै गइरहेका बेला नयाँ कम्पनी हिमालयन एयरलाइन्स अगाडि आएको छ । नेपाली हवाई आकाशमा अन्तर्राष्ट्रिय उडानका लागि निजी क्षेत्रको हालसम्मकै ठूलो लगानीमा हिमालयनले उडान सुरु गर्न लागेको हो । उसले तिब्बत एयरलाइन्ससँग सहकार्य गरेको छ ।
हिमालयनले युरोपेली जहाज निर्माता कम्पनी एयरबसको ए–३१९ सिरिजका २ विमानमार्फत कात्तिक ११ बाट काठमाडौं–ल्हासा उडान गर्नेछ । यो कम्पनीमा एचआईएफ एभियसन इन्भेस्टमेन्ट कम्पनी र यती वल्र्ड इन्भेस्टमेन्ट कम्पनीको मुख्य लगानी छ । हिमालयनले हाल २ अर्ब ५० करोड रुपैयाँ लगानी गर्नेछ । यसमा हिमालयनको ५१ प्रतिशत र तिब्बत एयरलाइन्सको ४९ प्रतिशत सेयर स्वामित्व रहनेछ । अक्टुबर २८ (कात्तिक ११) देखि उडान सुरु गर्ने गरी २ एयरलाइन्स कम्पनीबीच मंगलबार सम्झौता हँुदैछ ।
राष्ट्रिय ध्वजावाहक नेपाल वायुसेवा निगमसँग पर्याप्त जहाज नहुँदा अधिकांश अन्तर्राष्ट्रिय उडानका गन्तव्य गुमाइरहेका बेला निजी क्षेत्रबाट एयरलाइन्समा ठूलो लगानी भित्रिनुलाई पर्यटन क्षेत्रले सकारात्मक रूपमा लिएको छ । हाल २७ वटा विदेशी एयरलाइन्स कम्पनीले नेपालमा अन्तर्राष्ट्रिय उडान भरिरहेका छन्, जसका कारण वार्षिक अर्बौ रुपैयाँ नेपालबाट बाहिरिने गरेको छ ।
“हामी ३ वर्षभित्रमा ५ वटा जहाजमार्फत विश्वका विभिन्न गन्तव्यमा उडान भर्ने योजनाअनुसार अघि बढेका छौं,” एयरलाइन्स प्रवद्र्धकमध्येका एक सुमन पाण्डेले भने । उनका अनुसार पहिलो चरणमा २ एयरबसमार्फत काठमाडौं–ल्हसा र काठमाडौं–चेन्दु उडान भर्ने योजना छ । ३ वर्षभित्रमा भारतका विभिन्न सहर, मलेसिया, दुबईलगायत गन्तव्यमा समेत उडान सुरु गर्ने लक्ष्य लिइएको उनले बताए । यही अवधिमा ५ वटा विमानमार्फत युरोपमा सिधा उडान गर्ने महत्वाकांक्षी लक्ष्य पनि कम्पनीको छ ।
यती वल्र्डले यती र तारा एयरमार्फत आन्तरिक उडान भरिरहेको छ । तिब्बत एयरसँग हाल १ सय २० सिट क्षमताका ९ वटा एयरबस ३१९–१०० विमान छन् । उसले एयरबससँग थप ६ वटा विमान अर्डर गरिसकेको छ । चीनका अधिकांश रुटमा उडान भरिरहेको कम्पनीले २०१५ देखि युरोपमा सिधा उडान भर्दैछ । निकट भविष्यमा दिल्ली–तिब्बत सिधा उडान भर्ने तयारी पनि उसको छ ।
यती एयरलाइन्सले नै यसअघि फ्लाईयतीडटकममार्फत उडान सञ्चालन गरेको थियो । गैरआवासीय नेपालीको लगानीमा बीबी एयरवेज पनि केही महिना सञ्चालनमा थियो । आन्तरिक उडानमा निकै सफल उदाहरण मानिएको बुद्ध एयरले भुटानको पारो उडान बन्द गरे पनि हाल भारतको बनारससम्म उडान गरिरहेको छ ।
No comments:
Post a Comment